Rusiye bilen xitay qazaqistanning néfitini talashmaqta


2005-10-30
Share

Rusiyining eng chong luk'oyil néfit shirkiti bilen xitayning dölet igiligidiki xitay néfit tebi'iy gaz shirkitining qazaqistan néfitini talishish körishi ötken hepte bir qeder jiddiyleshti. Shundaqla her ikkila terep qazaqistanning néfit bayliqini qolgha keltürüsh üchün adwokat tutqan.

Rusiye bilen xitayning arisigha jaylashqan qazaqistan, kaspiy déngizi rayonidiki néfit zapisi eng yuqiri jay bolup, bu rayon hetta dunya soda baziridiki xam néfit bilen teminlesh yoshurun küchi eng chong bolghan rayondur.

Xitayning néfitke jiddiy éhtiyaji tüpeylidin, kanada sot mehkimisi ötken hepte kanadaning qazaqistandiki pétro- qazaqistan néfit shirkitini xitay néfit tebi'iy gaz shirkitige sétip bérishni qarar qilghan idi. Emma bu soda rusiye luk'oyil shirkitining naraziliqini qozghidi.

Qazaqistandiki turghay néfit shirkiti, rusiyining luk'oyil néfit shirkiti bilen mezkur pétro-qazaqistan shirkitining asitidiki bir tarmaq shirket bolup, shunga luk'oyil turghaydiki üstünlükidin paydilinip, xitayning pétro-qazaqistanni sétiwélishigha qarshi turghan idi.

Nöwette xitay néfit tebi'iy gaz shirkiti pétro-qazaqistanni sétiwalghandin kéyin, xitay turghayningmu 50% péyigha érishidiken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet