Хитайниң CITIC ширкити қазақистандики канада нефит ширкитини сетивалмақчи


2006-10-27
Share

Дөләт контроллидики хитай хәлқара һәссидарлиқ вә мәбләғ селиш ширкити канада дөләтлик енергийә ширкитиниң қазақистандики қараҗанбас нефитликини сетивелишкә 1 милярд 900 милйон доллар баһа қойди. Лекин бу сода канада нефит ширкити пай чеклириниң мақуллуқидин өтүши керәк. Әгәр канада вә қазақистан һөкүмәтлири бу содини тәстиқлисә, бу хитайлар сетивалған 3 - чоң чәтәл нефит әслиһәси болуп қалиду.

Канада дөләтлик енергийә ширкитиниң 76 % пай чекини контрол қилидиған еколо мәбләғ ширкити қазақистандики канада нефитликини хитайға сетишқа қизиқидиғанлиқини билдүрмәктә. Бу сода бу йил 12 - айғичә бир тәрәп болуши мумкин.

Канада дөләтлик енергийә ширкитиниң қазақистанниң қараҗанбас нефитликидин күнигә 5 миң варил нефит чиқиду. Бу нефитликтики қарамай записи 340 милйон варил, дәп пәрәз қилинмақта.

Хитай өткән йили канаданиң қазақистандики йәнә бир нефит ширкити қазақистанни 4 милярд 180 милйон долларға сетивалған. Хитай қазақистан негиф әслиһәлиригә мәбләғ селишни тезләтмәктә. Икки дөләт арисидики атасу - алатав нефит туруба йоли бу йилниң оттурилирида ишқа кириштүрүлгән. Енергийә бихәтәрлики хитай иқтисади тәрәққиятидики җидди мәсилигә айланмақта. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт