Xitayning CITIC shirkiti qazaqistandiki kanada néfit shirkitini sétiwalmaqchi
2006.10.27
Dölet kontrollidiki xitay xelq'ara hessidarliq we meblegh sélish shirkiti kanada döletlik énérgiye shirkitining qazaqistandiki qarajanbas néfitlikini sétiwélishke 1 milyard 900 milyon dollar baha qoydi. Lékin bu soda kanada néfit shirkiti pay chéklirining maqulluqidin ötüshi kérek. Eger kanada we qazaqistan hökümetliri bu sodini testiqlise, bu xitaylar sétiwalghan 3 - chong chet'el néfit eslihesi bolup qalidu.
Kanada döletlik énérgiye shirkitining 76 % pay chékini kontrol qilidighan ékolo meblegh shirkiti qazaqistandiki kanada néfitlikini xitaygha sétishqa qiziqidighanliqini bildürmekte. Bu soda bu yil 12 - ayghiche bir terep bolushi mumkin.
Kanada döletlik énérgiye shirkitining qazaqistanning qarajanbas néfitlikidin künige 5 ming waril néfit chiqidu. Bu néfitliktiki qaramay zapisi 340 milyon waril, dep perez qilinmaqta.
Xitay ötken yili kanadaning qazaqistandiki yene bir néfit shirkiti qazaqistanni 4 milyard 180 milyon dollargha sétiwalghan. Xitay qazaqistan négif eslihelirige meblegh sélishni tézletmekte. Ikki dölet arisidiki atasu - alataw néfit turuba yoli bu yilning otturilirida ishqa kirishtürülgen. Énérgiye bixeterliki xitay iqtisadi tereqqiyatidiki jiddi mesilige aylanmaqta. (Erkin)
Munasiwetlik maqalilar
- Xitay -türkmenistandin néfit gazi import qilish gaz turuba qurulushini maqullidi
- Atasu-alataw néfit turubisi soda xaraktéridiki néfit importini resmiy bashlidi
- Junggo bilen rusiye altaygha gaz turubisi yatquzmaqchi
- Rusiye altay arqiliq xitayning sherqi déngiz rayonlirini teminleydighan tebi'i gaz turubisi yasimaqchi
- Xitay-ereb elliri munasiwiti we uning amérikigha körsitidighan tesiri