Хитайда нефит мәһсулатлири билән тәминләш җиддийлишип һәтта адәм өлүш вәқәси чиқти


2007-10-31
Share

Хитайда икки йилдин буян нефит кризиси еғирлишиватқан иди. Ройтрс агентлиқиниң 10 ‏- айниң 31 -‏-күни шаңхәйдин хәвәр қилишичә, хитай йеқинқи йиллардин буян гәрчә чәтәлләрдин барғансери көпләп нефит импорт қиливатсиму, хитайда йәнила нефит мәһсулатлири билән тәминләш җәһәттики җиддийлик мәвҗут.

Бундақ җиддийлик һазир хитайниң деңиз бойлиридики җеҗяң, гуаңдуң, фуҗән қатарлиқ өлкилиридин мәркизи районларғичә кеңәйди. Тәһлил қилинишичә, пул пахаллиқи вә нефит мәһсулатлири баһасиниң тез өрлиши бу хил җиддийликни еғирлаштурмақта. Һазир хитай базирида дезил камлиқи әң җиддий мәсилә. Бу һазир хитайда қатнаш- транспортқа еғир тәсир йәткүзмәктә.

Әмма 'шинхуа тори'ниң баян қилишичә, йеқинқи бир мәзгил ичидила, дуняда нефит баһаси бир баррел хам нефит 60 америка доллиридин 70 америка доллириға, униңдин кейин йәнә 94 америка доллириға өрлигән. Йеқинда йәнә 100 америка доллириға йетиш еһтимали бар. Бу хитайдики нефит мәһсулатлири базирида баһа өрләп кетишкә сәвәб болмақта.

Америка авазиниң баян қилишичә, хенәндә аптомобилларға йеқилғу қачилаш үчүн нөвәт күтүп турған кишиләр ичидә җедәл чиқип, һәтта адәм өлүш вәқәси йүз бәргән. Һазир хитай нефит ширкәтлири күндин -күнгә еғирлишиватқан бундақ нефит мәһсулатлири җиддийликини пәсәйтиш үчүн, 11 ‏- айдин башлап техиму көп нефит импорт қилишни ойлимақта. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт