Непалниң ички вәзийити техиму җиддийләшмәктә

Непалниң падишаһи гянендра сәйшәнбә күни, непал вәзийитиниң нөвәттә җиддий бир һалаткә киргәнликини тәкитләп, һөкүмәтни тарқитиветип пүтүн һоқуқни өткүзвалғанлиқини билдүрди.

Америка бирләшмә агентлиқиниң хәвиридә көрситилишичә, буниңдин илгири гянендра һөкүмәтни тарқитивәткәнликини елан қилиш биргә, 3 йил ичидә йеңи бир һөкүмәт қуруп чиқидиғанлиқини җакарлиған иди.

Непал падишаһи, баш министир шир баһадир вә башқа алий дәриҗилик сиясий рәһбәрләрниң туралғу җайлирини қамал қилип, пайтәхт катмандониң ахбарат вастилирини тақивәткәндин сирт, падишаһға қарашлиқ әскәрләр кочиларда чарлаш елип барған.

Падишаһ гянендра, 2003 -йили мавчилар кәлтүрүп чиқарған қораллиқ топилаңни бесиқтуралмиған дигән сәвәп билән, баш министир шир баһадирниң әмилини елип ташлиған иди.

1996 - Йилидин бери мавчилар, непалниң асасий қанунини ағдуруп ташлап, комунистик һакимийәт қуруш үчүн күрәш елип бармақта. (Әқидә)