Kandaliza rays: erkin döletler neshriyat erkinilikini chekleydighan 5 döletke chuqum tesir körsitishi lazim

• 
  2006-05-05

Birleshme agénitliqining xewer qilishiche, amérikining tashqi ishlar ministiri kandaliza rays erkin döletler neshriyat erkinilikini chekleydighan xitay bilen rusiyini öz ichige alghan 5 döletke choqum tesir körsitishi lazim, dégen.

Amérika tashqi ishlar ministirliqining bayanatchisi séyn mikmarkning éytishiche, amérikining tashqi ishlar ministiri kondaliza rays bu sözni dunya metbu'at erkinliki küni qilghan. U sözide nahayiti az sandiki kishilerning menpe'eti üchün zhurnalistlarni jismaniy jehette haqaretligen, qanunni depsende qilip intérnétni chekligen, metbu'atlarning yéngi uchurlirini qamal qilghan döletlerge heriket qollinish kéreklikini؛ dunyada heqiqiy pakitlarni ashkarilash üchün özining erkinlikidin, hetta hayatidin ayrilishqa pisen qilmay pidakarliq körsetken jurnalistlargha ilham bérish zörürlikini tekitligen.

Kandaliza rays sözide xitay, rusiyilerdin bashqa yene zimbabuwi, wénsu'ila, we iranlarda neshriyat erkinlikining depsende qiliniwatqanliqigha da'ir emeliy pakitlarni körsetken. Kandaliza rays sözide "hazir dunyada her küni batur ezimetler we xanimlar xeterge uchrimaqta. Ular peqet bashqilar üchün heq sözligenliki üchünla tayaq zerbisige uchrimaqta, tutqun qilinmaqta, türmilerge tashlanmaqta, hetta öltürülmekte. Hazir amérika hökümiti pütün yer sharida neshriyat erkinlikining qanat yéyishi üchün tirishiwatidu. Amérika bu jehette bashqilar bilen hemkarliqni kücheytidu. Eger musteqil metbu'atlar chiriklikni pash qilmisa, jem'iyetning ochuq- yoruq bolushini ilgiri sürmise, puqralarni siyasiy ishlargha arilishishqa righbetlendürmise, pütün jem'iyet xeterge yüzlinidu", shunglashqa erkin döletler chuqum xitay we rusiyidek neshriyat erkinlikini chekleydighan döletlerge tesir körsitishi lazim" dégen. (Weli)