Хитай буниңдин кейин америка ахбарат хизмитиниң асаслиқ нишани


2005.04.14
Share on WhatsApp
Share on WhatsApp

Америка президенти җорҗи буш тәрипидин дөләт ахбарат оргининиң мәсуллиқиға намзат қилип көрситилгән нигрипонти, америка дөләт мәҗлисидә хитайни буниңдин кейинки америка ахбарат хизмитиниң асаслиқ нишани болиду, дәп көрсәтти.

Нигрипонти бу сөзләрни алдинқи күни дөләт мәҗлисиниң кеңәш палатасида гуваһлиқтин өткәндә тәкитлигән. У мундақ дәйду: " узун муддәтлик нишанни көзлигәндә америка ахбарат органлириниң ахбарат йиғиш вә баһалаш хизмити хитайни мәркәз қилиду." У, "хитайни узун муддәткичә көзүтүш вә из қоғлаш интайин муһим. Хитайни интайин инчикилик билән көзәткәндила андин хитайниң америка ташқи сияситигә қандақ тәсир көрситидиғанлиқини чүшәнгили болиду," дәп көрсәтти.

Нигрипонти, америка ахбарат органлирини ислаһ қилишни хизмитиниң муһим нуқти қилидиғанлиқини билдүргән. У, узун муддәтни көздә тутқанда "америкилиқларниң әвлади хитайлар интайин муһим рол ойнайдиған бир дуняда яшашқа мәҗбур болиду," дәп тәкитлиди. Нигрипонти илгири америкиниң б д т тики баш әлчиси иди. У, өткән йили америкиниң ирақтики баш әлчиликигә тәйинләнгән. 1970 - Йилларда оттура америкидики һондираста вәзипә өтигән шундақла киссингир тунҗи қетим хитайни зиярәт қилғанда униңға һәмраһ болған иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.