Xitay buningdin kéyin amérika axbarat xizmitining asasliq nishani


2005.04.14
Share on WhatsApp
Share on WhatsApp

Amérika prézidénti jorji bush teripidin dölet axbarat orginining mes'ulliqigha namzat qilip körsitilgen nigriponti, amérika dölet mejliside xitayni buningdin kéyinki amérika axbarat xizmitining asasliq nishani bolidu, dep körsetti.

Nigriponti bu sözlerni aldinqi küni dölet mejlisining kéngesh palatasida guwahliqtin ötkende tekitligen. U mundaq deydu: " uzun muddetlik nishanni közligende amérika axbarat organlirining axbarat yighish we bahalash xizmiti xitayni merkez qilidu." U, "xitayni uzun muddetkiche közütüsh we iz qoghlash intayin muhim. Xitayni intayin inchikilik bilen közetkendila andin xitayning amérika tashqi siyasitige qandaq tesir körsitidighanliqini chüshen'gili bolidu," dep körsetti.

Nigriponti, amérika axbarat organlirini islah qilishni xizmitining muhim nuqti qilidighanliqini bildürgen. U, uzun muddetni közde tutqanda "amérikiliqlarning ewladi xitaylar intayin muhim rol oynaydighan bir dunyada yashashqa mejbur bolidu," dep tekitlidi. Nigriponti ilgiri amérikining b d t tiki bash elchisi idi. U, ötken yili amérikining iraqtiki bash elchilikige teyinlen'gen. 1970 - Yillarda ottura amérikidiki hondirasta wezipe ötigen shundaqla kissin'gir tunji qétim xitayni ziyaret qilghanda uninggha hemrah bolghan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.