Türk yazghuchisi orxan pamuq nobil edebiyat mukapatigha érishti

2006 ‏-Yilliq nobil " edebiyat mukapati" türkiye yazghuchisi orxan pamuqqa bérildi.

Nobil mukapati orgini orxan pamuqqa "medenyet toqunushining simwuli" dep nam bergen, u nobil edebiyat mukapatigha érishken tunji türk yazghuchisi hésablinidu. Orxan pamuq 1952 ‏- yili istanbulda tughulghan bolup, u istanbul téxnik uniwérisitétining binakarliq kespide we istanbul uniwérisitétining axbarat bölümliride oqughan.

Orxan pamuq 23 yashqa kirgende, roman yézish qararigha kélip, 1982 ‏- yili" jewdet bey we uning oghulliri" namliq tunji romanini élan qilghan.

Uning ikkinchi romani" ünsiz öy " fransuz tiligha terjime qilinip, kitabxanlarning qizghin alqishigha müyesser bolghandin sirt, yene" Prix fransiye medenyet mukapatigha érishken.

Orxan pamuqning 1985‏- yili élan qilghan " aq qel'e " romani 1990 ‏- yili deslep, in'gilizchige terjime qilinip, kéyin nurghun tillarda neshr qilin'ghandin kéyin, uning xelq'arada nam qazinishigha yol achti.

Orxan pamuq, roman, powist we hikaye élan qilipla qalmastin, türlük ilmiy zhornallarda siyasiy maqalilarmu élan qilghan. Orxan pamuq melum bir siyasiy maqaliside , Uyghurlarning nöwette xitayning siyasiy zulmigha duch kéliwatqanliqini otturigha qoyghan. (Eqide)