Нобил тинчлиқ мукапати әл горға берилди


2007-10-12
Share

2007 ‏- Йиллиқ нобил тинчлиқ мукапати америкиниң сабиқ муавин президенти әл горға берилди. Лекин әл гор бу мукапатни б д т ниң һөкүмәтләр ара йәр шари һава килимати өзгириш комитети билән бөлүшиду. Мукапат, әл горниң кишиләрниң диққитини йәр шари һава килиматидики өзгиришкә тартиш җәһәттә көрсәткән төһписини көздә тутуп берилгән.

Нобил мукапати комитети бу һәқтики баянатида, әл гор " йәр шариниң һава килиматидики өзгиришкә тәдбир елиши керәкликини хатирилитиштә төһписи әң зор адәм " дәп көрсәтти. Йәр шари һава килиматиниң өзгириши бу йил дунядики һәр қайси әлләрдә әң көп диққәт қозғиған нуқта болуп, б д т һөкүмәтләр ара һава килимати өзгириш комитети "кйото һава килимати шәртнамиси" ниң орнини алалайдиған йеңи бир һава килимати шәртнамиси түзүп чиқиш үстидә издәнмәктә.

Йәр шари һава килиматидики өзгириш асия, явропадики дөләтләр вә америка юқири дәриҗидә көңүл бөлүватқан мәсилидур. Йеқинқи йиллардин бери нобил комитети нобил тинчлиқ мукапатиниң тарқитиш даирисини кеңәйтип, демократийә вә кишилик һоқуққа төһпә қошқан затлардин башқа, муһитни қоғдиғучилар вә кәмбиғәлликтин қутулушқа төһпә қошқучиларниму мукапатлаватиду.

Бу йилқи нобил тинчлиқ мукапатиға уйғур рәһбири рабийә қадир ханимму намзат қилип көрситилгән болуп, бу униң 3 - қетим намзатлиққа көрситилиши иди. Көзәткүчиләрниң әскәртишичә, хитай даирилири мукапатниң әл горға берилгәнликидин чоңқур бир нәпәс алған болуши мумкин. Чүнки хитай һөкүмити өткән йили нобил комитетиға ашкара тәһдит селип, әгәр мукапат рабийә қадир ханимға берилсә, бу хитай - норвегийә мунасивәтлиригә еғир тәсир йәткүзидиғанлиқини тәкитлигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт