Nobil tinchliq mukapati el gorgha bérildi


2007-10-12
Share

2007 ‏- Yilliq nobil tinchliq mukapati amérikining sabiq mu'awin prézidénti el gorgha bérildi. Lékin el gor bu mukapatni b d t ning hökümetler ara yer shari hawa kilimati özgirish komitéti bilen bölüshidu. Mukapat, el gorning kishilerning diqqitini yer shari hawa kilimatidiki özgirishke tartish jehette körsetken töhpisini közde tutup bérilgen.

Nobil mukapati komitéti bu heqtiki bayanatida, el gor " yer sharining hawa kilimatidiki özgirishke tedbir élishi kéreklikini xatirilitishte töhpisi eng zor adem " dep körsetti. Yer shari hawa kilimatining özgirishi bu yil dunyadiki her qaysi ellerde eng köp diqqet qozghighan nuqta bolup, b d t hökümetler ara hawa kilimati özgirish komitéti "kyoto hawa kilimati shertnamisi" ning ornini alalaydighan yéngi bir hawa kilimati shertnamisi tüzüp chiqish üstide izdenmekte.

Yer shari hawa kilimatidiki özgirish asiya, yawropadiki döletler we amérika yuqiri derijide köngül bölüwatqan mesilidur. Yéqinqi yillardin béri nobil komitéti nobil tinchliq mukapatining tarqitish da'irisini kéngeytip, démokratiye we kishilik hoquqqa töhpe qoshqan zatlardin bashqa, muhitni qoghdighuchilar we kembighelliktin qutulushqa töhpe qoshquchilarnimu mukapatlawatidu.

Bu yilqi nobil tinchliq mukapatigha Uyghur rehbiri rabiye qadir xanimmu namzat qilip körsitilgen bolup, bu uning 3 - qétim namzatliqqa körsitilishi idi. Közetküchilerning eskertishiche, xitay da'iriliri mukapatning el gorgha bérilgenlikidin chongqur bir nepes alghan bolushi mumkin. Chünki xitay hökümiti ötken yili nobil komitétigha ashkara tehdit sélip, eger mukapat rabiye qadir xanimgha bérilse, bu xitay - norwégiye munasiwetlirige éghir tesir yetküzidighanliqini tekitligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet