Ispaniyidiki basik teshkilatchiliri tutqun qilindi

2007-10-07
Élxet
Pikir
Share
Print

Ispaniyidiki musteqilliq terepdarliri hésablinidighan basiklarning " ittipaq" partiyisining 23 neper ezasi yéqinda ispaniye saqchiliri teripidin qolgha élin'ghan. Ispaniye hökümiti basik musteqilliq herikitige qarshi turup, biraqla köp ademni qolgha alghandin kéyin shenbe küni ispaniyining bir qanche shehiride basiklarning naraziliq namayishliri yüz bérip, qolgha élin'ghan ademlerni qoyup bérishni telep qilghan.

Roytéris agéntliqining xewer qilishiche, ispaniye saqchiliri basiklarning mezkur "ittipaq" partiyisining 23 neper asasliq rehbirini qolgha élip, ularni térrorizm bilen eyiblep sotlashqa tapshurghan.

"Ittipaq" partiyisi basik musteqilchi qoralliq teshkilat "eyta" ning bir tarmiqi bolup, mezkur teshkilat ispaniye hökümiti teripidin térrorchi teshkilat dep élan qilin'ghan . " Eyta" teshkilati yéqinda qoralliq qarshiliqini toxtitip, ispaniye hökümiti bilen tinchliq wasitisi arqiliq basiklarning musteqilliq mesililiri muzakire qilmaqchi bolghan bolsimu, lékin ispaniye da'irilirida héchqandaq ilgirilesh bolmighan.

Amérika hökümitimu basik herikitini térrorluq teshkilat tizimlikige kirgüzgen, basiklar ispaniyining gherbiy shimali bilen fransiyining gherbiy jenubigha jaylashqan az sanliq millet bolup, ularning ispaniyidiki sani ikki yérim milyon etrapida, fransiyidiki sani besh yüz ming kélidu. Ular katolik dinigha ishinidu. Basiklar 20-esirning 50-yilliridin étibaren musteqilliq herikiti bashlighan bolup, 70-80-yillarda yuqiri pellige kötürülgen.

Basiklar "eyta" teshkilatining rehberlikide dawamliq musteqilliq herikiti élip barghan bolup, xelq'ara jem'iyetning bésimi bilen ular qoralliq heriketni toxtitip, ispaniye hökümiti bilen sözlishish arqiliq basiklarning yüksek siyasiy hoquqini qolgha keltürmekchi bolghan bolsimu, biraq ispaniye hökümiti ularni térrorluq weqeliri bilen baghlashqa tirishqan. (Ümidwar)

Pikirler (0)
Share
Toluq bet