Amérika dölet mejlisining ezaliri xitayning olimpik yighini ötküzüshige qarshi qanun teklip layihisi berdi


2005.04.29

Amérika dölet mejlisining ikki ezasi, aldinqi küni xitayning 2008 - yili olimpik yighini ötküzüshige qarshi qanun teklip lahiyisi otturigha qoyup, béyjing hökümiti kishilik hoquq xatirisini yaxshilimisa, olimpik yighini ötküzüsh hoquqini bikar qilishni telep qildi.

Mezkur qanun teklip lahiyisi awam palata ezasi kristofir simit bilen tomas tankirido teripidin otturigha qoyulghan. Awam palata ezasi tankirido, " xitay xelq'ara jem'iyet teripidin mukapatlanmasliqi kérek," dep tekitlidi. U mundaq deydu: " hazir xitayda kishilik hoquq keng kölemde depsende qilinmaqta. Biz bundaq hökümetning olimpik yighini ötküzüshige menggü yol qoymasliqimiz kérek."

Awam palata ezasi kristofir simit, xitay hökümitining kishilik hoquqni dawamliq depsende qiliwatqanliqini eskertip, amérikining béyjing olimpik yighinini közdin kechürüshini telep qilghan. U, qanun teklip layihisi bérish sewebi heqqide toxtilip, " falun'gongchilar xarlash sewebidin öliwatidu. Uyghurlar, katoliklar, xristiyanlar hetta buddistlar ziyenkeshlikke uchrimaqta," dep körsetti. Emma béyjing olimpik musabiqisini bikar qilish toghrisidiki qanun teklip layihisi, awam palatasidiki bezi ezalar teripidin bek radikal heriket, dep qaralghan.

Awam palata ezasi jim lich, "medeniyet bilen siyasetni arlashturwetmeslik" ke chaqirghan. Awam palata ezasi donald péyni, xitayning kishilik hoquq xatirisini özgertishige purset bérish kérek, dep körsetken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.