2012 - Йиллиқ олимпик тәнтәрбийә мусабиқиси лондон шәһиридә өткүзүлиду

Хәлқара олимпик комитетиниң рәиси рогге, 6 - июл чаршәнбә күн 2012 - йиллиқ олимпик тәнтәрбийә йиғининиң лондонда өткүзүлидиғанлиқини елан қилди.

Әнгилийә б б с радио - телевизийә ширкитиниң хәвиридә ейтилишичә, хәлқара олимпик комитет әзалириниң бир қанчә қетим беләт ташлиши нәтиҗисидә , лондон билән париж шәһири тәң көп авазға еришкән , 4 - қетимлиқ беләт ташлашта 54 тә 50 аваз билән лондон шәһири үстүнлүккә еришип, олимпик тәнтәрбийә мусабиқисини өткүзүш салаһийитигә еришкән.

Хәлқара олимпик тәнтәрбийә комитетиниң рәиси рогге: " әслидә намзатлиққа қоюлған барлиқ шәһәрләр, олимпик мусабиқиси өткүзүшкә тамамән лайиқ иди, әмма биз пәқәт бир шәһәрни таллашқа мәҗбур " дәп көрсәтти.

Москва, нюйорк қатарлиқ шәһәрләр намзат қилип көрситилгән болсиму, 5 чоң шәһәрдин кәлгән мәшһур сиясийон вә тәнтәрбийә мүтәхәссиислириниң көпинчиси лондонда мәзкур мусабқини өткүзүшни тәшәббус қилған.

Лондонда 1948 - йили олимпик мусабиқиси өткүзүлгән болуп, олимпик комитетиниң бу қетимқи қарари әнгилийә хәлқини шатлиққа чөмдүрди.

Гәрчә бейҗиң 2008 - йиллиқ олимпик мусабиқисини өткүзүш шәрипигә еришкән болсиму, әмма бир қисим кишилик һоқуқ тәшкилатлири, хитай һөкүмитиниң зәрбисигә учриған фалоңгоң муритлири шуниңдәк уйғур кишилик һоқуқ паалийәтчилири " хитай һөкүмити кишилик һоқуқни әслигә кәлтүрмигичә, мәзкур мусабиқини өткүзүшкә лайиқ әмәс" дәп наразилиқ билдүрүп кәлмәктә. (Әқидә)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар