2012 - Yilliq olimpik tenterbiye musabiqisi london shehiride ötküzülidu


2005.07.06
Share on WhatsApp
Share on WhatsApp

Xelq'ara olimpik komitétining re'isi roggé, 6 - iyul charshenbe kün 2012 - yilliq olimpik tenterbiye yighinining londonda ötküzülidighanliqini élan qildi.

En'giliye b b s radi'o - téléwiziye shirkitining xewiride éytilishiche, xelq'ara olimpik komitét ezalirining bir qanche qétim bélet tashlishi netijiside , london bilen parizh shehiri teng köp awazgha érishken , 4 - qétimliq bélet tashlashta 54 te 50 awaz bilen london shehiri üstünlükke ériship, olimpik tenterbiye musabiqisini ötküzüsh salahiyitige érishken.

Xelq'ara olimpik tenterbiye komitétining re'isi roggé: " eslide namzatliqqa qoyulghan barliq sheherler, olimpik musabiqisi ötküzüshke tamamen layiq idi, emma biz peqet bir sheherni tallashqa mejbur " dep körsetti.

Moskwa, nyuyork qatarliq sheherler namzat qilip körsitilgen bolsimu, 5 chong sheherdin kelgen meshhur siyasiyon we tenterbiye mütexessi'islirining köpinchisi londonda mezkur musabqini ötküzüshni teshebbus qilghan.

Londonda 1948 - yili olimpik musabiqisi ötküzülgen bolup, olimpik komitétining bu qétimqi qarari en'giliye xelqini shatliqqa chömdürdi.

Gerche béyjing 2008 - yilliq olimpik musabiqisini ötküzüsh sheripige érishken bolsimu, emma bir qisim kishilik hoquq teshkilatliri, xitay hökümitining zerbisige uchrighan falonggong muritliri shuningdek Uyghur kishilik hoquq pa'aliyetchiliri " xitay hökümiti kishilik hoquqni eslige keltürmigiche, mezkur musabiqini ötküzüshke layiq emes" dep naraziliq bildürüp kelmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.