Olimpik komitéti bashliqi xitayning xelq'aradiki obrazidin endishe qilmaqta

Xelq'ara olimpik komitétining bashliqi Jacques Rogge béyjing da'irilirining 2008 - yili échilidighan olimpik yighini üchün küch chiqiriwatqanliqini mu'eyyenleshtürüsh bilen bir waqitta, xitayning xelq'aradiki obrazidin endishe qilidighanliqini bildürdi.

Jacques Rogge Ependi sözide "béyjingda échilmaqchi boluwatqan 2008 ‏- yilliq olimpik yighinining ghelibilik bolushi peqet xitayning téxnika jehettiki tirishchanliqi bilenla munasiwetlik bolup qalmay, belki dunyaning xitaygha bolghan köz qarishi bilenmu zich munasiwetlik " dep körsetken.

Xelq'ara olimpik komitétining bashliqi Jacques Rogge ependi ilgiri ‏-kéyin bolup xitayning paytexti béyjingni 7 qétim ziyaret qilghan. Uning bildürüshiche, uning axirqi qétimqi ziyaritidin buyan, meyli kishilik hoquq jehette bolsun yaki metbu'at erkinlik mesiliside bolsun, xitayning xelq'aradiki obrazi zor tesirge uchrighan.

Xelq'ara kechürüm teshkilati yéqinda mexsus doklat élan qilip, " xitay hökümiti eyni chaghda 2008 ‏- yilliq olimpik musabiqisining béyjingda échilishini qolgha keltürüsh üchün , kishilik hoquqni yaxshilash heqqide nurghun wedilerni bergen idi, lékin yéqinqi bir yildin buyan, xitay kishilik hoquq mesiliside zor derijide chékinmekte " dep körsetken.