Стевен спелберг бейҗиң олимпик мусабиқисиниң мәслиһәтчиликидин истипа бериши мумкин
2007.07.27
Мәшһур режиссор вә холливуд сәнәткари стевен спелберг, җүмә күни әгәр хитай һөкүмити суданға дарфур мәсилисидә илгириләп бесим ишләтмисә, 2008 - йили өткүзүлидиған бейҗиң олимпик мусабиқисиниң сәнәт мәслиһәтчиликидин истипа беридиғанлиқини җакарлиди. Спелбергниң баянатчиси анди спан җүмә күни баянат елан қилип,, стевенниң келәр 2 - 3 һәптә ичидә хитайлар билән болған һәмкарлиқ хизмити үстидә қарар чиқиридиғанлиқини билдүрди.
Анди спан интернеттә елан қилған бу һәқтики йәнә бир мақалисидә, " бизниң асасий мәқситимиз ирқий қирғинчилиққа хатимә бериш " дәйду. Униң әскәртишичә, спелберг хитайлар билән һәмкарлишиш яки һәмкарлашмаслиқ мәсилисидә истипа беришни өз ичигә алған барлиқ еһтималлиқлар үстидә ойлишиватқан болуп, спелбергниң истипа бериш - бәрмәслики хитай һөкүмитиниң дарфур мәсилисидә пат арида елан қилинидиған баянатиға қарашлиқ икән.
Бу йилниң башлири америка сәнәт саһәсидики әрбаплар вә б д т мәдәний мирасларни қоғдаш комитетиниң хуш хәвәр әлчиси мия фарров спелбергни тәнқид қилип, хитайниң суданға бәргән малийә ярдими судан милитанлириниң дарфурға һуҗум қилишиға ярдәмчи болуватқанлиқини вә бу әһвалда спелбергниң бейҗиң олимпик мусабиқиға мәслиһәтчилик қилиши тоғра болмиғанлиқини илгири сүргән.
Мия фарров бу йил 3 - айда Wall Street Journal гезитидә елан қилған мақалисидә спелбергни агаһландуруп, " шиндлерниң тизимлики", дегән филимниң режиссори спелбергни натсестлар германийисиниң тәшвиқатчи кино режиссори лени реийнфеншталниң дәвримиздики өрники болуп қалмаслиққа чақирған .1936 - Йили берлин олимпик мусабиқисиниң " олимпийә" дегән кино филими лени рейнфеншталниң режиссорлиқида ишләнгән иди. (Әркин)
Мунасивәтлик мақалилар
- Дарфур мәсилиси муһакимисидә әмәлий илгириләш болмиди
- Хитай суданға иқтисадий җаза йолға қоймаслиқ тоғрисида агаһландурди
- Америка федерал тәкшүрүш идариси(FBI ) олимпик мусабиқисиниң бихәтәрлики җәһәттә бейҗиң даирилиригә ярдәмләшмәкчи
- Америка мәтбуати "дарфурдики қирғинчилиқни тохтитиш үчүн, бейҗиң олимпик тәнһәрикәт йиғинини байқут қилиш керәк" дәп язди
- Америка дөләт мәҗлиси дарфур мәсилисини бейҗиң олимпик йиғиниға бағлайдиған қарар лаһийиси мақуллиди
- Ху җинтав шветсийә зияритидә өлүм җазаси мәсилисидә бесимға дуч келиши мүмкин
- Кишилик һоқуқ тәшкилатлири хитайдин өлүм җазасини азайтишни тәләп қилди
- Америка авам палатаси дарфур мәсилисидә хитайға қарита қанун лайиһиси мақуллиди