Stéwén spélbérg béyjing olimpik musabiqisining meslihetchilikidin istipa bérishi mumkin


2007.07.27
Share on WhatsApp
Share on WhatsApp

Meshhur rézhissor we xolliwud sen'etkari stéwén spélbérg, jüme küni eger xitay hökümiti sudan'gha darfur mesiliside ilgirilep bésim ishletmise, 2008 - yili ötküzülidighan béyjing olimpik musabiqisining sen'et meslihetchilikidin istipa béridighanliqini jakarlidi. Spélbérgning bayanatchisi andi span jüme küni bayanat élan qilip,, stéwénning kéler 2 - 3 hepte ichide xitaylar bilen bolghan hemkarliq xizmiti üstide qarar chiqiridighanliqini bildürdi.

Andi span intérnétte élan qilghan bu heqtiki yene bir maqaliside, " bizning asasiy meqsitimiz irqiy qirghinchiliqqa xatime bérish " deydu. Uning eskertishiche, spélbérg xitaylar bilen hemkarlishish yaki hemkarlashmasliq mesiliside istipa bérishni öz ichige alghan barliq éhtimalliqlar üstide oylishiwatqan bolup, spélbérgning istipa bérish - bermesliki xitay hökümitining darfur mesiliside pat arida élan qilinidighan bayanatigha qarashliq iken.

Bu yilning bashliri amérika sen'et sahesidiki erbaplar we b d t medeniy miraslarni qoghdash komitétining xush xewer elchisi miya farrow spélbérgni tenqid qilip, xitayning sudan'gha bergen maliye yardimi sudan militanlirining darfurgha hujum qilishigha yardemchi boluwatqanliqini we bu ehwalda spélbérgning béyjing olimpik musabiqigha meslihetchilik qilishi toghra bolmighanliqini ilgiri sürgen.

Miya farrow bu yil 3 - ayda Wall Street Journal gézitide élan qilghan maqaliside spélbérgni agahlandurup, " shindlérning tizimliki", dégen filimning rézhissori spélbérgni natséstlar gérmaniyisining teshwiqatchi kino rézhissori léni réiynfénshtalning dewrimizdiki örniki bolup qalmasliqqa chaqirghan .1936 - Yili bérlin olimpik musabiqisining " olimpiye" dégen kino filimi léni réynfénshtalning rézhissorliqida ishlen'gen idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.