Xelq'arada béyjingning olimpik ötküzüshige qarshi heriketler kücheymekte


2007.08.02
Share on WhatsApp
Share on WhatsApp

Merkizi nyuyorktiki xelq'ara insan heqliri közitish teshkilati2 - awghust bayanat élan qilip 2008 - yilliq béyjing olimpik tenheriket yighini harpisida " xitay hökümitining öktichiler hemde axbarat sahesige bolghan basturushi téximu kücheytildi" dep bildürdi.

Bayanatchi yene " olimpikqa bir yil waqit qaldi , qarimaqqa béyjing hökümiti insan heqliride we axbarat erkinlik mesiliside ilgirligendek ipadilerni körsetsimu , emma astirittin dölet ichidiki kishilik hoquqni himaye qilghuchilarni hemde axbarat xadimlirini mexpiy basturmaqta hemde shu arqiliq axbarat sahesige bolghan kontrolluqni kücheytmekte.

Xitay ichide emeliyette nechche yüz ming kishilik namayish hemde hökümetke qarshi naraziliq heriketliri körülgen bolsimu , xitay da'iriliri jiddiy qoralliq saqchi qisimlirini ishlitip qattiq basturush halitini saqlawatidu, shu seweblik xitayning ichki weziyiti intayin turaqsiz "dep körsetti.

Insan heqliri közitish teshkilatining asiya bölümi mudiri amérika awazi radi'osi muxbirigha alahide eskertip : "xitayning diniy erkinlikni , söz we pikir erkinlikini boghuwatqanliqi bolupmu , Uyghur hemde tibetlerni qattiq basturuwatqanliqi kishilik hoquqni éghir derijide depsende qiliwatqanliqining yene bir küchlük ispati " dégen.

Tünügün béyjingdiki xelqara muxbirlar jem'iyiti xitayda turushluq 160 neperdin artuq muxbirning % 95 ining xitayda yenila axbarat erkinlikining cheklimige uchrawatqanliqini bildürgenlikini élan qildi.

Bügün teywendiki falun'gongchilar jem'iyiti2008 - béyjing olimpikqa qarshi9 - awghusttin bashlap, kishilik hoquq mesh'ili yetküzüsh pa'aliyitini bashlaydighanliqini élan qildi. Chet'ellerdiki tibet teshkilatliri xelqara olimpik teshkilatidin kishilik hoquq jehette xitaygha bésim ishlitishni telep qildi. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.