Америка федерал тәкшүрүш идариси(FBI ) олимпик мусабиқисиниң бихәтәрлики җәһәттә бейҗиң даирилиригә ярдәмләшмәкчи


2007.06.13
Share on WhatsApp
Share on WhatsApp

Америка федерал тәкшүрүш идариси ( FBI ) хәлқаралиқ һәрикәт оргининиң мудири томас фунтесниң ройтерс агентлиқиға баян қилишичә, FBI хадимлири бейҗиңда 2008 ‏- йили өткүзилидиған олимпик мусабиқисиниң бихәтәрлики җәһәттики ишларда бейҗиң даирилиригә ярдәмләшмәкчи.

Бейҗиң олимпик комитетиниң башлиқи люшавву олимпик мусабиқисиниң бихәтәрликини қоғдаш мәсилиси һәққидә тохталғанда, хитайниң йеқинқи йиллардин буян террорчилиқ мәсилисигә дуч келиватқанлиқини, һәтта буйил 1 ‏- айдиму шәрқий түркистан ислам партийисиниң йәнә вәқә пәйда қилғанлиқини, шу қетимқи вәқәдә, шәрқий түркистан ислам партийисиниң җәнубий шинҗаңдики бир һәрбий тәлим-тәрбийә мәйданида 18 киши етип өлтүрүлгән вә 17 киши тутулғанлиқини тилға алған.

Хәвәрдә ейтилишичә, америкиниң FBI хадимлири бейҗиңда өткүзүлидиған олимпик мусабиқиси җәрянида, әл-қаидичиләр яки шәрқий түркистан ислам партийисиниң һәрикити бар -йоқлуқи мәсилисини иниқлашта бейҗиң даирилиригә ярдәм беридикән. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.