Amérika fédéral tekshürüsh idarisi(FBI ) olimpik musabiqisining bixeterliki jehette béyjing da'irilirige yardemleshmekchi


2007.06.13
Share on WhatsApp
Share on WhatsApp

Amérika fédéral tekshürüsh idarisi ( FBI ) xelq'araliq heriket orginining mudiri tomas funtésning roytérs agéntliqigha bayan qilishiche, FBI xadimliri béyjingda 2008 ‏- yili ötküzilidighan olimpik musabiqisining bixeterliki jehettiki ishlarda béyjing da'irilirige yardemleshmekchi.

Béyjing olimpik komitétining bashliqi lyushawwu olimpik musabiqisining bixeterlikini qoghdash mesilisi heqqide toxtalghanda, xitayning yéqinqi yillardin buyan térrorchiliq mesilisige duch kéliwatqanliqini, hetta buyil 1 ‏- aydimu sherqiy türkistan islam partiyisining yene weqe peyda qilghanliqini, shu qétimqi weqede, sherqiy türkistan islam partiyisining jenubiy shinjangdiki bir herbiy telim-terbiye meydanida 18 kishi étip öltürülgen we 17 kishi tutulghanliqini tilgha alghan.

Xewerde éytilishiche, amérikining FBI xadimliri béyjingda ötküzülidighan olimpik musabiqisi jeryanida, el-qa'idichiler yaki sherqiy türkistan islam partiyisining herikiti bar -yoqluqi mesilisini iniqlashta béyjing da'irilirige yardem béridiken. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.