Afénada béyjing olimpik yighinigha qarshi kishilik hoquq mesh'ili yanduruldi


2007.08.10
Share on WhatsApp
Share on WhatsApp

Dunyaning her qaysi jayliridin kelgen kishilik hoquqi pa'aliyetchiliri peyshenbe küni grétsiye paytexti afinada toplinip, béyjing olimpik yighinigha qarshi kishilik hoquq mesh'ili yandurdi we kishilik hoquq mesh'ilining yershari maraton yürüshini bashlidi. Bu pa'aliyet falun'gung teriqitining teshebbusi bilen qozghalghan bolup, bu heriket kishilik hoquq pa'aliyetchilirining qollishigha érishken. Pa'aliyetni teshkilligüchiler kishilik hoquqi mesh'ilining 25 dölette aylinidighanliqini bildürmekte.

Grétsiye olimpik musabiqisining tughulghan yurti bolupla qalmay, 2004 - yildiki olimpik musabiqisining sahibxan dölitidur. Grétsiye her yili afinada olimpik musabiqisi tughulghanliqini xatirilep kelmekte idi. Kishilik hoquq mesh'ili yéqilghan kün, olimpik musabiqisi tughulghanliqini xatirilesh künige toghra keldi.

Shu küni köp qisimi grékler we xitaylarni asas qilghan 300 dek kishi paytext afénadiki sintagma meydanida kishilik hoquq mesh'ilini yéqish murasimi ötküzgen. Kanada kishilik hoquqi pa'aliyetchisi deywid kilgor, bu pa'aliyetni uyushturghuchi zatlarning biri bolup, u murasimda "yéqinqi bir qanche yildin béri xitayda kishilik hoquqning téximu nacharliship ketkenlikidin héchkim shübhilenmeydighanliq " ini bildürdi. Kilgor," kishiler musabiqini bayqut qilish qararini özi tallash kérek " deydu. Awstiraliyilik tenterbiyichi jéyn békér," insan qedir ‏- qimmitining tenterbiyidin muhim" ikenlikini tekitligen.

Xitay hökümiti xelq'ara teshkilatlarning olimpik musabiqisi ötküzüsh üchün, kishilik hoquqni yaxshilash heqqidiki éghir bésimigha duch kelmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.