Хәлқара сақчи оргини 2008 ‏- йил олимпикиниң террорлуқ һуҗум нишани болуш еһтималлиқи барлиқини көрсәтти


2008.03.05
Share on WhatsApp
Share on WhatsApp

Хәлқара сақчи оргининиң рәиси роналд нобел, хитай һөкүмитиниң авғуст ейида ичилидиған бейҗиң олимпик тәнһәрикәт йиғини үчүн, наһайити юқири өлчәмләрдә бихәтәрлик тәдбирлири алғанлиқини, лекин йәнила, олимпик тәнһәрикәт йиғинниң террорлуқ һуҗумниң нишани болуш еһтималлиқи барлиқини билдүрди.

Роналд нобел сәйшәнбә күни хоңкоңда мухбирларға бәргән баянатида, хәлқара сақчи оргини бейҗиң олимпик тәнһәрикәт йиғини үчүн елинған бихәтәрлик тәдбирләрдин рази. Лекин хитай вә райондики дөләт бихәтәрлик даирилири, олимпик тәнһәрикити җәрянида террор тәһдитиниң алдини елиш үчүн, наһайити һошяр болуши керәк" дегән.

Олимпик җәрянида террорлуқ һуҗуми елип берилиш еһтималлиқи һәққидә ениқ бир учур йоқлуқини тәкитлигән хәлқара сақчи оргининиң рәиси роналд нобел, лекин еһтиятчанлиқ, кишини бундақ бир иш йүз беридиғандәк тәйяр турушқа мәҗбурлайду, дәп көрсәтти.

Ройтрис агентлиқиниң хәвәр қилишичә, хәлқара сақчи оргини, бейҗиң олимпикини әлқаидә вә башқа террор тәшкилатлириниң асаслиқ һуҗум нишани болалайду дәп көрсәткән.

Хитай һөкүмити һазирғичә, қайси тәшкилат вә яки гуруппиларниң бейҗиң олимпик тәнһәрикәт йиғинини өзиниң һуҗум нишани қилиши мумкинлики һәққидә очуқ ‏- ашкара ипадә билдүрмигән. Лекин өткән ай хитайниң алий дәриҗилик бир хадими уйғур паалийәтчилирини бейҗиң олимпик тәнһәрикәт йиғини үчүн тәһдит дәп көрсәтти. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.