Olimpik munasiwiti bilen élip bérilghan pa'aliyetler xitayda özgirish hasil qilalmaydu


2008-02-28
Share

Fransiye agéntliqi peyshenbe küni, nobél mukapatigha érishken fransiyilik xitay yazghuchi gaw shingjenning sözini neqil keltürüp, béyjing olimpiki munasiwiti bilen naraziliq pa'aliyetliri élip bérish arqiliq xitayda her qandaq bir özgirishni meydan'gha keltürgili bolmaydighanliqini bildürdi.

Gaw shingjenning bildürüshiche, olimpik hökümet otturisidiki mesile bolup, u xelq bir terep qilalaydighan ish emes, xitayning bu qétim olimpikni ötküzüsh salahiyitige ige bolalishi, hökümetler arisida élip bérilghan qararlar tüpeyli wujutqa kelgen. Gaw shingjen sözide yene mundaq deydu" shundaq bolghanliqi üchün, gherb elliri xitaydin qorqmasliqi kérek, chünki xitayning muhimliqi medeniyet jehettin emes, belki iqtisadiy jehettin bolup, xitayning urushxumar dölet emeslikini untumasliq kérek."

Kishilik hoquq pa'aliyetchilirining qarashliri, gaw shinjenning qarishi bilen birdek bolup, xitayda olimpik ötküzüsh arqiliq bu döletning kishilik hoquqini yaxshilash we yaki her xil naraziliq heriketliri bilen dölet hakimyitide özgirish hasil qilish quruq arzu ‏- armandin ibaret iken. Shunga ular, xitayda démokratiye, kishilik hoquq we erkinlik berpa qilish démokratik eller ortaq tirishchanliq körsitidighan muhim bir wezipe déyishmekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet