Xitay 2004 - yilda ölüm jazasi ijra qilishtiki rékortini saqlap qaldi

Merkizi italiyining paytexti rimdiki ölüm jazasigha qarshi turush xelq'ara teshkilatining jüme küni élan qilghan doklatida körsitilishiche, yer shari boyiche bala chüshürüshke qarshi turush éqimi 2004 - yilda dawamliq köcheygen, emma shu yili dunya boyiche az dégende 5476 kishi ölüm jazasi bilen öltürülgen.

"Keyinning qoli" dep atalghan mezkur teshkilat, dunya boyiche jallatlar qolida ölgen 5476 kishining az dégende 5 mingi xitayda ijra qilin'ghanliqini bildürdi. Xitaydin qalsa ölüm jazasi eng köp ijra qilin'ghan dölet iran bilen wéytnam iken. Iranda 2004 - yili 197 kishi, wéytnamda 82 kishining ölüm jazasi ijra qilin'ghan.

Mezkur teshkilat ölüm jazasi heqqidiki doklatida, ölüm jazasi ijra qilin'ghan 58 döletning 44 i "diktatur, istibdat we erkin bolmighan döletler," dep körsetti. "Keyinning qoli" dégen atalghan mezkur teshkilat 1993 - yili bryussélda qurulghan.

Közetküchilerning tekitlishiche, xitayda ölüm jazasi bilen jazalan'ghanlar sani kishilik hoquqni qoghdash organlirining melumatidin köp artuqken. Xitay hökümiti ölüm jazasi bilen jazalan'ghanlar sanini dölet mexpiyetliki, dep qarighachqa hazirgha qeder bu heqte sanliq melumat élan qilip baqmighan.

Uyghurlar xitayda siyasi siyasiy sewebler bilen ölüm jazasi bériliwatqan birdin - bir xelq hésablinidu.(Erkin)