كىشىلىك ھوقۇقنى كۆزىتىش تەشكىلاتى ئىراندىن ياش ‏- ئۆسمۈرلەرنى قەتلىئام قىلىشنى توختىتىشنى تەلەپ قىلدى

2007-06-21
ئېلخەت
پىكىر
Share
پرىنت

خەلقئارا كەچۈرۈم تەشكىلاتلىرىدىن بولغان كىشىلىك ھوقۇقنى كۈزۈتىش تەشكىلاتى پەيشەنبە كۈنى، ئىراننىڭ 18 ياشتىن تۆۋەن ياش ‏- ئۆسمۈرلەرنى قەتلىئام قىلىشنى توختىتىشىنى تەلەپ قىلدى.

مەزكۈر تەشكىلاتنىڭ بىلدۈرۈشىچە، ئىران دۇنيا بۇيىچە ياش ‏- ئۆسمۈرلەرنى ئۆلۈم جازاسى بىلەن ئەڭ كۆپ جازالايدىغان دۆلەتلەردىن بىرى بولۇپ، ئىراندا 2004 ‏- يىلىدىن بۇيان 18 ياشتىن تۆۋەن 17 ئۆسمۈر قەتلىئام قىلىنغان.

خەلقئارا كەچۈرۈم تەشكىلاتى يەنە، ئىراندا 15 ياشلىق بالىلارنىڭمۇ ئۆلۈم جازاسى بىلەن جازالانغانلىقىنى تەكىتلىدى.

2004 ‏- يىلىدىن بېرى، يەنە 3 دۆلەتتە ياش ‏- ئۆسمۈرلەرگە ئۆلۈم جازاسى بېرىلگەن بولۇپ، سۇداندا ئىككى نەپەر ياش ‏- ئۆسمۈر ئۆلتۈرۈلگەن. بۇنىڭدىن باشقا خىتاي بىلەن پاكىستاندا بىردىن ياش ‏- ئۆسمۈر ئېتىپ تاشلانغان.

ئۇيغۇر سىياسىي پائالىيەتچىلىرى، خىتاي ھۆكۈمىتىنىڭ 5" ‏- فېۋرال غۇلجا ۋەقەسى" نى باستۇرۇش جەريانىدا بىر مۇنچە ئۇيغۇر ياش ‏- ئۆسمۈرلىرىنى ئۆلتۈرگەنلىكىنى بىلدۈرمەكتە. (ئەقىدە)

پىكىرلەر (0)
Share
تولۇق بەت