Кишилик һоқуқни көзитиш тәшкилати ирандин яш ‏- өсмүрләрни қәтлиам қилишни тохтитишни тәләп қилди


2007.06.21

Хәлқара кәчүрүм тәшкилатлиридин болған кишилик һоқуқни күзүтиш тәшкилати пәйшәнбә күни, иранниң 18 яштин төвән яш ‏- өсмүрләрни қәтлиам қилишни тохтитишини тәләп қилди.

Мәзкүр тәшкилатниң билдүрүшичә, иран дуня буйичә яш ‏- өсмүрләрни өлүм җазаси билән әң көп җазалайдиған дөләтләрдин бири болуп, иранда 2004 ‏- йилидин буян 18 яштин төвән 17 өсмүр қәтлиам қилинған.

Хәлқара кәчүрүм тәшкилати йәнә, иранда 15 яшлиқ балиларниңму өлүм җазаси билән җазаланғанлиқини тәкитлиди.

2004 ‏- Йилидин бери, йәнә 3 дөләттә яш ‏- өсмүрләргә өлүм җазаси берилгән болуп, суданда икки нәпәр яш ‏- өсмүр өлтүрүлгән. Буниңдин башқа хитай билән пакистанда бирдин яш ‏- өсмүр етип ташланған.

Уйғур сиясий паалийәтчилири, хитай һөкүмитиниң 5" ‏- феврал ғулҗа вәқәси" ни бастуруш җәрянида бир мунчә уйғур яш ‏- өсмүрлирини өлтүргәнликини билдүрмәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.