ئۆزىنى ئۆلتۈرىۋېلىش ھەققىدە تەھدىد سالغان بىر خىتاي قولغا ئېلىندى


2005.01.02

ئامېرىكا ساقچىلىرى يېڭى يىل كۈنى نيو-يوركتىكى ب د ت باش شتابىنىڭ بىناسى ئالدىدا ئۆزىنى ئۆلتۈرىۋېلىش ھەققىدە تەھدىد سالغان بىر خىتاينى قولغا ئالدى.

رويتىرس ئاگېنتلىقىنىڭ خەۋىرىگە قارىغاندا، ئۆزىنىڭ ئامېرىكىدا مەڭگۈ تۇرۇشلۇق سالاھىيىتى ئالالمىغانلىقىدىن نارازى بولغان بىر ئەر، ب د ت باش شتابى بىناسىنىڭ بىخەتەرلىك تەكشۈرۈش ئىشىكى ئالدىدا ئۆزىنىڭ گېلىغا پىچاق تەڭلەپ، خىتاي تىلىدا ۋاقىرىغان.

ساقچىلار شۇ ھامان نەق مەيدانغا يىتىپ كېلىپ، ئۇنىڭ پىچىقىنى تارتىۋالغان ھەمدە ئۇنى تۇتۇپ كەتكەن. نيو-يورك ساقچى دائىرىلىرىنىڭ بىلدۈرىشىچە، ۋەقە يۈز بەرگەندە ب د ت نىڭ باش سېكرىتارى كوفى ئەننان بىنادا بولۇپ، ساقچى دائىرىلىرى بىخەتەرلىكنى كۆزدە تۇتۇپ، ب د ت نىڭ بىناسى سىرتىدىكى كوچىدا قاتناشنى چەكلىگەن.

خەۋەرگە قارىغاندا، نيو-يورك ساقچى دائىرىلىرى ئۇنىڭ ئۈستىدىن ئەرز سۇنمايدىكەن. ئەمما ئۇنى روھىي تەكشۈرۈشكە بېرىشقا بۇيرۇيدىكەن. (ئارزۇ)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.