Өзини өлтүривелиш һәққидә тәһдид салған бир хитай қолға елинди

Америка сақчилири йеңи йил күни нйо-йорктики б д т баш штабиниң бинаси алдида өзини өлтүривелиш һәққидә тәһдид салған бир хитайни қолға алди.

Ройтирс агентлиқиниң хәвиригә қариғанда, өзиниң америкида мәңгү турушлуқ салаһийити алалмиғанлиқидин нарази болған бир әр, б д т баш штаби бинасиниң бихәтәрлик тәкшүрүш ишики алдида өзиниң гелиға пичақ тәңләп, хитай тилида вақириған.

Сақчилар шу һаман нәқ мәйданға йитип келип, униң пичиқини тартивалған һәмдә уни тутуп кәткән. Нйо-йорк сақчи даирилириниң билдүришичә, вәқә йүз бәргәндә б д т ниң баш секритари кофи әннан бинада болуп, сақчи даирилири бихәтәрликни көздә тутуп, б д т ниң бинаси сиртидики кочида қатнашни чәклигән.

Хәвәргә қариғанда, нйо-йорк сақчи даирилири униң үстидин әрз сунмайдикән. Әмма уни роһий тәкшүрүшкә беришқа буйруйдикән. (Арзу)