Özini öltüriwélish heqqide tehdid salghan bir xitay qolgha élindi

Amérika saqchiliri yéngi yil küni nyo-yorktiki b d t bash shtabining binasi aldida özini öltüriwélish heqqide tehdid salghan bir xitayni qolgha aldi.

Roytirs agéntliqining xewirige qarighanda, özining amérikida menggü turushluq salahiyiti alalmighanliqidin narazi bolghan bir er, b d t bash shtabi binasining bixeterlik tekshürüsh ishiki aldida özining géligha pichaq tenglep, xitay tilida waqirighan.

Saqchilar shu haman neq meydan'gha yitip kélip, uning pichiqini tartiwalghan hemde uni tutup ketken. Nyo-york saqchi da'irilirining bildürishiche, weqe yüz bergende b d t ning bash sékritari kofi ennan binada bolup, saqchi da'iriliri bixeterlikni közde tutup, b d t ning binasi sirtidiki kochida qatnashni chekligen.

Xewerge qarighanda, nyo-york saqchi da'iriliri uning üstidin erz sunmaydiken. Emma uni rohiy tekshürüshke bérishqa buyruydiken. (Arzu)