Özini öltüriwélish heqqide tehdid salghan bir xitay qolgha élindi


2005.01.02
Share on WhatsApp
Share on WhatsApp

Amérika saqchiliri yéngi yil küni nyo-yorktiki b d t bash shtabining binasi aldida özini öltüriwélish heqqide tehdid salghan bir xitayni qolgha aldi.

Roytirs agéntliqining xewirige qarighanda, özining amérikida menggü turushluq salahiyiti alalmighanliqidin narazi bolghan bir er, b d t bash shtabi binasining bixeterlik tekshürüsh ishiki aldida özining géligha pichaq tenglep, xitay tilida waqirighan.

Saqchilar shu haman neq meydan'gha yitip kélip, uning pichiqini tartiwalghan hemde uni tutup ketken. Nyo-york saqchi da'irilirining bildürishiche, weqe yüz bergende b d t ning bash sékritari kofi ennan binada bolup, saqchi da'iriliri bixeterlikni közde tutup, b d t ning binasi sirtidiki kochida qatnashni chekligen.

Xewerge qarighanda, nyo-york saqchi da'iriliri uning üstidin erz sunmaydiken. Emma uni rohiy tekshürüshke bérishqa buyruydiken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.