Әзәрбәйҗанниң баку шәһиридики бир сода базириға от кәтти


2005.02.07
Share on WhatsApp
Share on WhatsApp

Әзәрбәйҗан пайтәхти баку шәһириниң 30 к м сиртидики бир топ тарқитиш базириға җүмә күни от кәтти. Хәвәрләрдә ашкарилишичә, вәқәдә бир қисим хитай тиҗарәтчиләрниң дуканлирини өз ичигә алған миңдин артуқ дукан көйүп кәткән.

Әзәрбәйҗандики уйғур тиҗарәтчиләрдин игилишимизчә, от апити бакудики "бина сода базири" да йүз бәргән. Хоңкоң мәтбуатлири, вәқәдин кейин әзәрбәйҗанда турушлуқ хитай әлчиханисидики хадимларниң нәқ мәйданға берип, хитай тиҗарәтчиләрдин һал сориғанлиқини билдүрди. Хоңкоңдики хитайчә чиқидиған "миңбав" гезитиниң хәвәр қилишичә, вәқәдә бир хитай тиҗарәтчиниң дукини зиянға учриған шундақла хитай әлчиханисидикиләр бакудики хитай тиҗарәтчиләрни мал - мүлки вә кишилик бихәтәрликигә диққәт қилиш һәққидә агаһландуруп, һәр қандақ қийинчилиққа учриса дәрһал әлчиханиға хәвәр қилишни тапилиған.

Бакуда турған уйғур тиҗарәтчиләр, от апитидә бивастә зиянға учриған уйғурлар болмисиму бирақ, "бина топ тарқитиш базири" дики әзәрбайҗанлиқ дукандарларға несигә мал бәргән уйғур тиҗарәтчиләрниң барлиқини билдүрди.

Бакудики вәқә оттура асия вә кавказийә районида йеқинқи 3 йил ичидә йүз бәргән сода базиридики 2 - чоң от апити болуп һесаблиниду. 2002 - Йили 2 - айниң 14 - күни қирғизистанниң бешкәк шәһиридә торбазидики базарға от кетип, базардики уйғурларниң нәччә йүз дукини пүтүнләй вәйран болған. Қирғизистан һөкүмити от апитиниң електир симидин келип чиққанлиқини елан қилған иди. Бешкәктики хитай әлчиханиси әйни чағда уйғур тиҗарәтчиләрни ғавға чиқармаслиқ тоғрисида агаһландурған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.