Amérika ottura sherq ittipaqdash döletlirige herbiy yardemni kücheytidighanliqini bildürmekte


2007.07.31
Share on WhatsApp
Share on WhatsApp

Amérika da'iriliri ottura sherqtiki ittipaqdash döletlerni zor miqdarda herbiy yardem bilen teminlesh arqiliq, iran kéngeymichilikige taqabil turush istratégiyisini belgilidi.

Amérika tashqi ishlar ministiri kandiliza rayis düshenbe küni 10 yil ichide misirgha 13 milyard amérika dollarliq herbiy qoral sétip béridighanliqini, oxshashla isra'iliyigimu 10 yil ichide 30 milyard dollarliq herbiy qoral sétip béridighanliqini bildürdi.

Kandiliza rayis düshenbe küni amérikining dölet mudapi'e ministiri géytis bilen birge , ottura sherqning muqimliqi we iraqning weziyitini yaxshilash meqsitide washin'gtondin ayrilip, paris qoltuqidiki 5 döletke qaratqan ziyaritini bashliwetti.

Bu arida amérika hökümet xadimliri yene, amérikining se'udi erebistan we paris qoltuqidiki ereb döletlirige 20 milyard dollar qimmitide qoral sétip bérishni pilan qiliwatqanliqini ashkarilidi.

Kandiliza rayis ottura sherqtiki ziyaritini bashlashtin burun, irlandiye jumhuriyitide muxbirlargha " : shek - shübhisizki , iran amérika we ottura sherq döletlirining menpe'etidiki bir chong tehdit hésablinidu "dédi.

Mutexessislerning bildürüshiche, amérikining ottura sherq döletlirige herbiy yardem körsitishi, iran kéngeymichiliki we buningdin kéyin meydan'gha kélidighan zorawanliq heriketlirining aldini élishni meqset qilidiken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.