Isra'iliye liwan'gha qaratqan hujumda xelq'araning qollishigha érishkenlikini bildürmekte

Isra'iliye terepning peyshenbe küni bildürüshiche, rim shehiride ottura sherq mesilisi buyiche ötküzülgen xelq'ara yighinda urush toxtitish heqqide jiddiy bir telepning otturigha qoyulmighanliqi, xelq'araning isra'iliyining liwan'gha qaratqan hujumigha yol qoyghanliqidin dérek béridiken.

Isra'iliye ediliye ministiri, rimda ötküzülgen yighinning rohigha asasen , isra'iliyning öz herikitini dawamlashturidighanliqini bildürdi.

Amérika we yawrupa ittipaqigha eza döletlerning köpunchisi shuningdek rusiye, erep we türkiye qatarliq döletlerning aliy derijilik rehberliri rimda échilghan yighin'gha qatnashti. Yighin wekilliri, urushning menggu toxtitilishi üchün élip bérilidighan xizmetni kücheytishni otturigha qoyghan bolup, biraq derhal urush toxtitish heqqide birlikke kélelmigen.

Isra'iliye ediliye ministiri yene": hemme adem ,hizbulla guruhining ghelibisi , térror dunyasining ghelbisi hésablinidighanliqini yaxshi bilidu"dep körsetti. U sözide yene": isra'iliye armiyisi yarilinishini azaytish üchün, aldi bilen hawa armiyisini ishqa sélip, andin quruqluq eskerliri arqiliq hujumni kücheytishi kérek " dédi.

Mezkür ministir, isra'iliyining, liwanning jenubidiki puqralargha bu jaydin ayrilish üchün yéterlik waqit béridighanliqini bildürüp, bu jaydin ayrilmighanlarning hizbulla guruhini qollighuchilar dep qarilidighanliqini tekitlidi. Liwan chégrisida toqunush yüz bergendin buyan, az dégende 433 neper liwanliq, 53 neper isra'iyilik öltürüldi. (Eqide)