Jorj bush xelq'ara yighin chaqirip ottura sherqning ténchliqini qolgha keltürüshni teshebbus qildi


2007.07.17
Share on WhatsApp
Share on WhatsApp

Amérika prizidénti jorj bush seyshenbe küni aq sarayda bayanat élan qilip, pat arida xelq'ara yighin chaqirip, ottura sherqning ténchliqini qolgha keltürüshni bolupmu, pelestin milli hakimyet orginining re'isi maxmut abbas rehberlikidiki hökümetke yardem bérishni teshebbus qildi.

Prézidént bush xelq'ara yighinning nishani , pelestin bilen isra'iliye otturisidiki ixtilaplarni hel qilish we pelestin xelqining tereqqiyatini kücheytip ténchliqini qolgha keltürüsh ikenlikini bildürüsh bilen birge , bu yil amérikining 190 milyon dollar serp qilip, buning ichidiki 80 milyon dollarni mexsus maxmut abbas hökümitining, pelestinning bixeterlik xizmetliri üchün ishlitishige yollighanliqini tekitlidi.

Prézidént bush yene, échilmaqchi bolghan ottura sherqning ténchliqini ilgiri sürüsh yighinining amérika tashqi ishlar ministiri kondiliza rayisning riyasetchilikide élip bérilidighanliqini, yighinda rayis we bashqa dölet tashqi ishlar mes'ullirining birlikte pelestin hökümitini qurush jeryanida qolgha keltürgen netijilerni mu'eyyenleshtürüp, buningdin kéyin basmaqchi bolghan yéngi qedem we tashqi diplomatiye hemkarliqliri üstide muzakire élip baridighanliqini otturigha qoydi.

Prézidént bush axirida, isra'ilyeliklerni pelestin chégrisi ichide qanunsiz igiliwalghan yerlerni qayturup bérishke, pelestin hökümitini bolsa pütün küchini ishqa sélip, térrorluqqa qarshi turup, isra'iliyege qaratqan hujumlarni toxtitishqa chaqirdi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.