Хитайдики балиларниң ботулкилири, кийим-кечәк вә оюнчуқлириниң зәһәрлик икәнлики байқалди

Хитай мәтбуатлири йеқинда балилар ботулкиси, кийим-кечики вә оюнчуқлирилиридин ибарәт 3 хил балилар мәһсулатлирида зәһәрлик тәркибләрниң барлиқини хәвәр қилип, истималчиларни агаһландурди.

Ройтерс агентлиқиниң мәлуматиға қариғанда, буниңдин икки йил авал балиларниң сахта сүт парашоки 13 балиниң өлүшигә сәвәбчи болғандин кейин, хитайдики сәһийә хадимлири йеқинда бир қисим балилар мәһсулатлири үстидин тәкшүрүш елип барған. Нәтиҗидә улар юқиридики 3 хил балилар мәһсулатлирида еғир химийивий тәркибләрниң барлиқини байқиған. Бу хил зәһәрлик химийивий маддилар рак кесилини кәлтүрүп чиқиридикән.

Бу хадимлар дәсләп, хитайдики 10 чоң топ сетиш дуканлирида сетиливатқан балилар имизгә ботолкилирини тәкшүргәндә, униңдики химийивий тәркип йол қоюлидиған чәктин 2 һәссә көп болған. Буниңда қиззиқ сүтни истимал қилғанда, ботолкидики химийивий елиминтлар ерип балиларниң тенигә киридикән. Шундақла бу балиларниң җигәр вә бөрәклирини бузуп ташлайдикән.

Буниңдин башқа гуаңдуңда ишләпчиқирилған 10% балилар кийим-кечәклиридә ишлитилгән рәңләр зәһәрлик болуп, бу теригә тәгкәндә рак кесилини кәлтүрүп чиқиридикән. Хитай даирилириниң статистикисиға қариғанда, хитайдики рәхтлик оюнчуқларниң 83% и өлчәмгә тошмайдикән. (Пәридә)