Xitaydiki balilarning botulkiliri, kiyim-kéchek we oyunchuqlirining zeherlik ikenliki bayqaldi


2006-05-31
Share

Xitay metbu'atliri yéqinda balilar botulkisi, kiyim-kéchiki we oyunchuqliriliridin ibaret 3 xil balilar mehsulatlirida zeherlik terkiblerning barliqini xewer qilip, istimalchilarni agahlandurdi.

Roytérs agéntliqining melumatigha qarighanda, buningdin ikki yil awal balilarning saxta süt parashoki 13 balining ölüshige sewebchi bolghandin kéyin, xitaydiki sehiye xadimliri yéqinda bir qisim balilar mehsulatliri üstidin tekshürüsh élip barghan. Netijide ular yuqiridiki 3 xil balilar mehsulatlirida éghir ximiyiwiy terkiblerning barliqini bayqighan. Bu xil zeherlik ximiyiwiy maddilar rak késilini keltürüp chiqiridiken.

Bu xadimlar deslep, xitaydiki 10 chong top sétish dukanlirida sétiliwatqan balilar imizge botolkilirini tekshürgende, uningdiki ximiyiwiy terkip yol qoyulidighan chektin 2 hesse köp bolghan. Buningda qizziq sütni istimal qilghanda, botolkidiki ximiyiwiy élimintlar érip balilarning ténige kiridiken. Shundaqla bu balilarning jiger we böreklirini buzup tashlaydiken.

Buningdin bashqa gu'angdungda ishlepchiqirilghan 10% balilar kiyim-kéchekliride ishlitilgen rengler zeherlik bolup, bu térige tegkende rak késilini keltürüp chiqiridiken. Xitay da'irilirining statistikisigha qarighanda, xitaydiki rextlik oyunchuqlarning 83% i ölchemge toshmaydiken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet