ئۆزبېكىستان ئامېرىكىنىڭ "سەبداش" ئىنسانپەرۋەرلىك تەشكىلاتىنى تاقىدى


2006-05-04
Share

ئۆزبېكىستان ھۆكۈمىتى، مەركىزى ئامېرىكىدىكى خەير ‏- ساخاۋەت تەشكىلاتلىرىدىن بىرى بولغان "سەبداش" ئىنسانپەۋەرلىك تەشكىلاتىنىڭ ئۆزبېكىستاندىكى ئىشخانىسىنى تاقىدى.

ئۆزبېكىستان ھۆكۈمىتى بولۇپمۇ، ئۆتكەن يىلى ماي ئىيىدا يۈزبەرگەن ئەنجاندىكى باستۇرۇش ۋەقەسىدىن كېيىن، ئۆزبېكىستاندا پائالىيەت ئېلىپ بېرىۋاتقان چەتئەل ياردەم تەشكىلاتلىرىنىڭ پائالىيەتلىرىنى چەكلەشكە باشلىغان.

مەركىزى ئامېرىكىدىكى خەلقئارالىق "سەبداش" ياردەم تەشكىلاتىنىڭ تاشكەنتتىكى ئىشخانىسىنىڭ باشلىقى دىۋىد ھولىدەي (David Holiday) تاشكەنت شەھەرلىك سوتنىڭ 5‏- ئاينىڭ 4‏- كۈنى سەبداش ياردەم تەشكىلاتىنىڭ تاشكەنتتىكى ئىشخانىسىنى تاقاش توغرىسىدا ھۆكۈم چىقارغانلىقىنى بىلدۈردى. ئۇ سوتنىڭ نېمە ئۈچۈن بۇنداق بىر ھۆكۈم چىقارغانلىقى ھەققىدە مەلۇمات بەرمىگەن.

ئەنجاندىكى باستۇرۇشتىن كېيىن، خەلقئارا كىشىلىك ھوقۇق تەشكىلاتلىرى ۋە غەرب دۆلەتلىرىنىڭ قاتتىق تەنقىدىگە ئۇچرىغان ئۆزبېكىستان ھۆكۈمىتى ھازىرغىچە، ئۆزبېكىستاندا پائالىيەت ئېلىپ بېرىۋاتقان مەركىزى ئامېرىكىدىكى ئۈچ ياردەم تەشكىلاتىنىڭ ھەمدە بىرلەشكەن دۆلەتلەر تەشكىلاتى مۇساپىرلار كومىتېتىنىڭ ئىشخانىلىرىنى شۇنداقلا، ئازاتلىق رادىئوسى، ب ب س رادىئو ‏- تېلېۋىزىيە شىركىتىنىڭ ئىشخانىلىرىنى تاقىغان.

ئۈزبېكىستان پرېزىدېنتى ئىسلام كەرىموف، چەتئەل تەشكىلاتلىرىنىڭ ئۆزبېكىستاندا بىر سىياسىي ئۆزگىرىش قىلىش ئۈچۈن تىرىشىۋاتقانلىقىنى بىلدۈرمەكتە. (ئەقىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت