Өзбекистан америкиниң "сәбдаш" инсанпәрвәрлик тәшкилатини тақиди

Өзбекистан һөкүмити, мәркизи америкидики хәйр ‏- сахавәт тәшкилатлиридин бири болған "сәбдаш" инсанпәвәрлик тәшкилатиниң өзбекистандики ишханисини тақиди.

Өзбекистан һөкүмити болупму, өткән йили май ийида йүзбәргән әнҗандики бастуруш вәқәсидин кейин, өзбекистанда паалийәт елип бериватқан чәтәл ярдәм тәшкилатлириниң паалийәтлирини чәкләшкә башлиған.

Мәркизи америкидики хәлқаралиқ "сәбдаш" ярдәм тәшкилатиниң ташкәнттики ишханисиниң башлиқи дивид һолидәй (David Holiday) ташкәнт шәһәрлик сотниң 5‏- айниң 4‏- күни сәбдаш ярдәм тәшкилатиниң ташкәнттики ишханисини тақаш тоғрисида һөкүм чиқарғанлиқини билдүрди. У сотниң немә үчүн бундақ бир һөкүм чиқарғанлиқи һәққидә мәлумат бәрмигән.

Әнҗандики бастуруштин кейин, хәлқара кишилик һоқуқ тәшкилатлири вә ғәрб дөләтлириниң қаттиқ тәнқидигә учриған өзбекистан һөкүмити һазирғичә, өзбекистанда паалийәт елип бериватқан мәркизи америкидики үч ярдәм тәшкилатиниң һәмдә бирләшкән дөләтләр тәшкилати мусапирлар комитетиниң ишханилирини шундақла, азатлиқ радиоси, б б с радио ‏- телевизийә ширкитиниң ишханилирини тақиған.

Үзбекистан президенти ислам кәримоф, чәтәл тәшкилатлириниң өзбекистанда бир сиясий өзгириш қилиш үчүн тиришиватқанлиқини билдүрмәктә. (Әқидә)

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар