Özbékistan amérikining "sebdash" insanperwerlik teshkilatini taqidi


2006.05.04
Share on WhatsApp
Share on WhatsApp

Özbékistan hökümiti, merkizi amérikidiki xeyr ‏- saxawet teshkilatliridin biri bolghan "sebdash" insanpewerlik teshkilatining özbékistandiki ishxanisini taqidi.

Özbékistan hökümiti bolupmu, ötken yili may iyida yüzbergen enjandiki basturush weqesidin kéyin, özbékistanda pa'aliyet élip bériwatqan chet'el yardem teshkilatlirining pa'aliyetlirini chekleshke bashlighan.

Merkizi amérikidiki xelq'araliq "sebdash" yardem teshkilatining tashkenttiki ishxanisining bashliqi diwid holidey (David Holiday) tashkent sheherlik sotning 5‏- ayning 4‏- küni sebdash yardem teshkilatining tashkenttiki ishxanisini taqash toghrisida höküm chiqarghanliqini bildürdi. U sotning néme üchün bundaq bir höküm chiqarghanliqi heqqide melumat bermigen.

Enjandiki basturushtin kéyin, xelq'ara kishilik hoquq teshkilatliri we gherb döletlirining qattiq tenqidige uchrighan özbékistan hökümiti hazirghiche, özbékistanda pa'aliyet élip bériwatqan merkizi amérikidiki üch yardem teshkilatining hemde birleshken döletler teshkilati musapirlar komitétining ishxanilirini shundaqla, azatliq radi'osi, b b s radi'o ‏- téléwiziye shirkitining ishxanilirini taqighan.

Üzbékistan prézidénti islam kerimof, chet'el teshkilatlirining özbékistanda bir siyasiy özgirish qilish üchün tirishiwatqanliqini bildürmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.