Üzbékstan kishilik hoquq söhbitini qobul qilidighanliqini bildürgen, emma ...

Roytrs agéntliqining 28 ‏- mart küni astanadin xewer qilishiche, üzbékstan 2005 ‏- yili 5 ‏- ayda enjanda chong basturush élip barghandin kéyin, gérmaniye üzbékstan'gha qarita herbiy qoral -yaraq sétishni we üzbékstanning yuqiri derijilik emeldarlirigha wiza bérishni toxtatqan idi. Bu qétim gérmaniyining tashqi ishlar minisitri frank waltér shtaynmayr qazaqstanni ziyaret qilghanda, rusiye, amérika we xitayning ottura asiya döletliri bilen bolghan énérgiye jehettiki munasiwiti barghanséri qoyuqlishiwatqan ehwal astida, yawropa birlikining ottura asiyadiki rolini kücheytish üchün jiddiy heriket qildi.

Üzbékstan tashqi ishlar ministiri wiladimir norop shtaynmayr ependige "üzbékstan yawropa birliki bilen kishilik hoquq mesililirini öz ichige alghan ikki terepke paydiliq munasiwetler buyiche söhbet élip bérishqa teyyar, emma özining ishiliri heqqide héchqaysi döletke izhat bérishni yaki bashqilardin léksiye anglashni xahlimaydu" dégen.

Gérmaniye tashqi ishlar ministiri shtaymayrning ottura asiya ziyariti jeryanida , kishilik hoqoq teshkilatliri üzbékstanni enjan weqesidin hazirghiche bu dölette nurghun ademning "siyasiy jinayet" bilen türmige tashliniwatqanliqi, qéyin-qistaqqa éliniwatqanliqi üchün qattiq eyibligen we shtaynmayr ependige üzbékstan'gha kishilik hoquqqa hürmet qilish üchün bésim ishlitishni tekitligen idi. Buninggha qarita üzbékstan tashqi ishlar ministiri wiladimir norop "bu mesile bilen üzbékstanning xelq'ara jem'iyet bilen bir gewde bolushi bir -birige oxshimaydighan mesile, bundaq eyibleshke biz hergiz yol qoymaymiz" dégen. (Weli)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar