Японийилик бир дипломат хитайниң бесимиға учриғанлиқтин өзини өлтүривалди


2005.12.27
Share on WhatsApp
Share on WhatsApp

японийиниң шаңхәйдә турушлуқ консулханисида ишләйдиған 40 нәччә яшлардики японийилик бир дипломат, хитай дөләт бихәтәрлик даирилири тәрипидин тәһдиткә учриғандин кейин, бесимға чидимай өзини өлтүрүвалған.

Мәзкур дипломатниң өлүвелиштин бурун консулхана қалдурған вәсийәтнамисида, хитай дөләт бихәтәрлик оргинида ишлайдиған бир киши, мәзкур дипломатқа униң бәзмиханидики бир күткүчи қиз билән болған ғәйри рәсми мунасивитини паш қиливетидиғанлиқи тоғрисида тәһдит селип, униңдин японийә консулханисиниң мәхпий матиряллири билән тәминләшни тәләп қилған. Бу дипломат вәсийәтнамисида " дөлитигә сатқунлуқ қилиш нийити" йоқлиқини билдүргән.

японийә мәтбуатлириниң әскәртишичә, мәзкур дипломат һелиқи кишини мәхпий материяллар билән тәминлимигән болуши мумкин. японийә даирлири, әгәр бу вәқә раст болуп чиқса, японийә һөкүмитиниң буниңға инкас қайтуридиғанлиқини билдүрмәктә. японийә һөкүмити бейҗиң даирлириға рәсми йоллар билән наразилиқ билдүрүши мумкин.

Әмма хитай ташқи ишлар министирлики баянатчиси чин гаң, хитай дөләт бихәтәрлик даирилириниң японийилик дипломатқа тәһдит салғанлиқини рәт қилип, бу вәқәни хәвәр қилған японийә мәтбуатлирини әйиблиди. У сәйшәнбә күнки ахбарат елан қилиш йиғинида, "японийә мәтбуатлириниң бәзи чүшәндүрүшлири һечқандақ асасқа таянмиған," дәйду.

Бу йил киргәндин бери японийә билән хитай оттурисидики дипломатик сүркилиш барғанчә күчәймәктә. Йеқинда хитай баш министири вен җябав японийә баш министири билән сөһбәт өткүзүшни рәт қилған. японийә ташқи ишлар министири, өткән һәптә җоңгони "интайин зор тәһдит," дәп тәкитлигән иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.