Pakistan qisimliri jenubiy waziristandiki qebililer rayonida tazilash élip bardi


2004-09-10
Share

Pakistan herbiy da'irilirining jüme küni ashkarlishiche, pakistan qisimliri afghanistan - pakistan chégrisidiki jenubiy waziristanda tazilash élip bérip , chet'elliklerni öz ichige alghan az dégende 6 gumanliq térorchini öltürgen.

Pakistan armiyisining bayanatchisi shawket sultan peyshenbe küni élip bérilghan herbiy heriketning jenubiy waziristandiki qani ghuram yézisigha yoshurniwalghan gumanliq térrorchilargha qarita élip bérilghanlini bildürgen. Pakistan da'iriliri , el - qa'idining jenubiy waziristandiki telim terbiye bazisigha qarita élip barghan buning aldidiki bombardimanda , 50 tin artuq gumanliq térorchining öltürülgenlikini jakarlighan idi .

Shawket sultan , öltürülgen 6 gumanliq térorchining beshi chet'ellik ikenlikini ilgiri sürgen . Biraq u , qaysi millet ikenlikini tilgha almighan . Pakistan , jenubiy waziristanning merkizi wananing 25 k m sherqiy - shimaligha jaylashqan dila qula yézisidiki nishanlargha qarita élip bérilghan aldinqi künki bombardimanda öltürülgen 50 nechche kishining ichide özbékler , chéchenler we ereblerning barliqini élan qilghan idi .Pakistan 11 - séntebir weqesidin ilgiri afghanistandiki sabiq taliban hakimiyitining arqa tüwrigi bolsimu biraq , - 11 séntebir weqesidin kéyin amérikining xelq'ara térorizimgha qarshi turush ittipaqidiki halqiliq küch bolup qaldi .(Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet