پاكىستان ئامانلىق كۈچلىرى ئەل قايدىنىڭ يۇقىرى دەرىجىلىك بىر خادىمىنى ئۆلتۈردى


2004-09-26
Share

پاكىستان دائىرلىرى، مەزكۇر دۆلەتتىكى يۇقىرى دەرىجىلىك بىر ئەل- قايدە خادىمىنىڭ پاكىستان ئامانلىق كۈچلىرى تەرىپىدىن ئۆلتۈرۈلگەنلىكىنى ئېلان قىلدى. پاكىستان ئامانلىق كۈچلىرى تەرىپىدىن ئۆلتۈرۈلگەن ئەمجاد فارۇقى، پاكىستان پرىزدېنتى پەرۋىز مۇشەررەفكە سۈيقەست قىلىش، ئامېرىكىلىق مۇخبىر دانىيال پېرلنى ئۆلتۈرۈش ۋەقەلىرى بىلەن مۇناسىۋىتى بار دەپ قارالغان.

ئەمجاد فارۇقى، جەنۇبىي سىندى ئۆلكىسىنىڭ ناۋابشاھ رايۇنىدىكى ئۆيىدە پاكىستان ئامانلىق كۈچلىرى بىلەن بولغان توقۇنۇش جەرىيانىدا ئۆلتۈرۈلگەن. پاكىستان ئۇچۇر مىنىستىرى شەيخ راشىدى، ئەمجاد فارۇقىنىڭ ئۆلتۈرۈلگەنلىكىنى ئىسپاتلىدى. شەيخ رەشىدىنىڭ بىلدۈرۈشىچە، ئۈچ نەپەر ئىنتايىن مۇھىم گۇمانلىق تېرورچى ئەسىرگە ئېلىنغان.

پاكىستان ئامانلىق كۈچلىرى يېقىندىن بېرى پاكىستان چىگراسى ئىچىدىكى رادىكال ئىسلامچى كۈچلەرگە زەربە بېرىش ھەركىتىنى كۈچەيتىشكە باشلىغان. پاكىستان دائىرىلىرى ئىلگىرى ئەمجاد فەرۇقىنى تۇتۇپ بەرگە نلەرگە 300 مىڭ دوللار مۇكاپات بېرىدىغانلىقىنى ئېلان قىلغان ئىدى. پاكىستان ئامېرىكىنىڭ ئەل قايدە ۋە تالىبان كۈچلىرىنى يوقۇتۇش ھەركىتىدىكى ئاچقۇچلۇق ئىتتىپاقدىشى. پاكىستان ئىلگىرى تالىبان كۈچلىرىنىڭ ئافغانىستاندا ھاكىمىيەت ئىگىللىشىگە ياردەم قىلغان.11 - سىنتەبىر ۋەقەسىدىن كېيىن تالىبان كۈچلىرىنى قوللاشتىن ۋاز كېچىپ، ئامېرىكىنىڭ تېرورىزىمغا قارشى ئىتتىپاقىغا قوشۇلغان. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت