Мушәррәп ғәрб дөләтлири ислам дини билән болған мәсилилирини бир тәрәп қилиши керәк, деди

Италийини зиярәт қиливатқан пакистанниң призденти пәрвез мушәррәп, террорчилиққа қарши уруш пәқәт мусулманлар әсәбийликни рәт қилип, ғериб дөләтлири мусулман дөләтләр билән болған сиясий ихтилаплирини биртәрәп қилғандила мувәппәқийәтлик болалайду, диди.

Мушәррәп сәйшәнбә күни, италийә призденти карло чапни билән учрашқандин кейин мухбирларға бәргән баянатида "ислам дуняси әсәбийлик вә уруш хумарлиқидин ваз кечип, иҗтимаий вә иқтисадий тәрәққият йолиға қарап меңиши керәк", диди.

Лекин у сөзидә ғериб дөләтлириниму агаһландуруп: "яврупа иттипақи вә америка әсәбийлик, уруш хумарлиқи вә террорчилиқниң кеңийишигә сәвәп боливатқан мәсилиләрни бир тәрәп қилиши керәк", диди.

Униң ейтишичә, бу мәсилиләр бир тәрәп болмиғучә террорчилиққа қарши уруш мувәппәқийәтлик нәтиҗә бәрмәслики мумкин икән.

Пәрвез мушәррәп йәнә, яврупа иттипақи дөләтлири вә америкидин мусулман дөләтләрниң иҗтмаий вә иқтисади тәрәққияти үчүн ярдәм беришини тәләп қилди. (Әқидә)