Musherrep gherb döletliri islam dini bilen bolghan mesililirini bir terep qilishi kérek, dédi

Italiyini ziyaret qiliwatqan pakistanning prizdénti perwéz musherrep, térrorchiliqqa qarshi urush peqet musulmanlar esebiylikni ret qilip, ghérib döletliri musulman döletler bilen bolghan siyasiy ixtilaplirini birterep qilghandila muweppeqiyetlik bolalaydu, didi.

Musherrep seyshenbe küni, italiye prizdénti karlo chapni bilen uchrashqandin kéyin muxbirlargha bergen bayanatida "islam dunyasi esebiylik we urush xumarliqidin waz kéchip, ijtima'iy we iqtisadiy tereqqiyat yoligha qarap méngishi kérek", didi.

Lékin u sözide ghérib döletlirinimu agahlandurup: "yawrupa ittipaqi we amérika esebiylik, urush xumarliqi we térrorchiliqning kéngiyishige sewep boliwatqan mesililerni bir terep qilishi kérek", didi.

Uning éytishiche, bu mesililer bir terep bolmighuche térrorchiliqqa qarshi urush muweppeqiyetlik netije bermesliki mumkin iken.

Perwéz musherrep yene, yawrupa ittipaqi döletliri we amérikidin musulman döletlerning ijtma'iy we iqtisadi tereqqiyati üchün yardem bérishini telep qildi. (Eqide)