Pakistan bilen xitay soda hemkarliqini kéngeytti

Pakistan we xitay chigra rayunliridiki soda alaqisini kücheytish we sayahet ishlirini tereqqiy qildurush üchün yéngidin ikki komitét qurdi.

Mezkür komitétlarning qurulghanliqini paksitanni ziyaret qiliwatqan , xitay hökümitining Uyghur aptunum rayunigha teyinligen re'isi ismayil tiliwaldi bilen pakistanning keshmir we shimaliy rayun ishlirigha mes'ol ministiri maxdum fa'isal peyshenbe küni ötküzgen birleshme muxbirlarni kütiwélish yighinida élan qilghan. Biraq xewerde yéngidin qurulghan mezkür komitétlargha qandaq nam bérilgenliki tekitlenmigen.

Pakistanning ministiri fa'isal yene, paksitanning xitayning yawrupa we ottura sherq bilen soda qilishi üchün quruqluq we déngiz yollirini ishlitishige yol qoyidighanliqini bildürgen. U axirida, xitaydin sayahetchilerning pakistan'gha kilishini qarshi alidighanliqini, buning üchün qonjirap, sust we gilgitte alahide wiza ishxanilirini échip, sayahetchi we sodigerlerning sepirige asanliq yaritip béridighanliqini körsetken. Paksitan xitay hökümitining Uyghurlarning musteqilliq herikitini basturishigha yéqindin yardem bérip kiliwatqan döletlerning biri. (Arzu)