Пакистан даирилири мусулман пидаийларға һуҗум қилди


2004.10.20

Пакистан бихәтәрлик қисимлири чаршәнбә күни абдулла мәхсуд башчилиғидики мусулман пидаийлар җайлашқан пакистанниң афғанситан чегрисиға йеқин бир җайға һуҗум қилди. Әмма кишиләрниң зиянкәшликкә учраш әһвали техи көрүлмиди.

Америка бирләшмә агентлиқиниң хәвиригә қариғанда, бу һәрикәткә 1000 ға йеқин пакистан әскири қатнашқан болуп, пиядә қисимлар тик учар айрупиланниң қоғдиши билән чегра бойидики тағлиқ районларға һәрбий һәрикәт башлиған.

Абдулла мәхсуд гуәнтанамо түрмисидин бу йил 3- айда қоюп берилгән болуп, у йәнә йеқинда йүз бәргән икки нәпәр хитай пуқрасини гөрүгә елиш вәқәсигә четишлиқ дәп қаралмақта.

Шундақла илгири америка һәрбий даирилириму осама бин ладинниң мушу җайға йошурунған болиши мумкинликини илгири сүргән иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.