پاكىستان پرېزىدېنتى مۇشەررەف خىتاينى زىيارەت قىلماقچى
2006.02.09
ئامېرىكا بىرلەشمە ئاگېنتلىقىنىڭ پەيشەنبە كۈنى ئېلان قىلغان خەۋىرىدىن مەلۇم بولۇشىچە، پاكىستان پرېزىدېنتى پەرۋىز مۈشەررەف كېلەر ھەپتە خىتايغا قاراتقان زىيارىتىنى باشلايدىكەن.
خىتاي تاشقى ئىشلار مىنىستىرلىقىنىڭ باياناتچىسى كۇڭ چۈەننىڭ بىلدۈرۈشىچە، فېۋرال ئېيىنىڭ 19 - كۈنىدىن 23 - كۈنىگىچە خىتايدا زىيارەتتە بولىدىغان، پەرۋىز مۈشەررەف بېيجىڭدا خىتاي دۆلەت رەئىسى خۇ جىڭتاۋ بىلەن كۆرۈشكەندىن كېيىن يەنە خىتاينىڭ سىچۈەن ئۆلكىسىنىمۇ زىيارەت قىلىدىكەن.
كۇڭ چۈەن سۆزىدە، "پاكىستان پرېزىدېنتى پەرۋىز مۈشەرەفنىڭ خىتايدا ئېلىپ بارىدىغان زىيارىتىنىڭ ئەھمىيىتى ئىنتايىن چوڭ" دەپ بىلدۈرگەن.
پاكىستان بىلەن خىتاي ئۇزۇن يىللاردىن بېرى يېقىن ھەمكارلىق مۇناسىۋىتى ئورناتقان ئىتتىپاقداش دۆلەتلەردىن بولۇپ ، ئىسلام - ئاباد بېيجىڭنىڭ، ھەربى قورال ئىكىسپورت قىلىدىغان ، ئەڭ چوڭ خېرىدارلىرىدىن بىرى ھېسابلىنىدۇ.
غەرب دۆلەتلىرى ئىلگىرى ، خىتاينى پاكىستاننى بالىستىك باشقۇرۇلىدىغان بومبا بىلەن تەمىنلىگەن دەپ ئەيىبلىگەن ئىدى. لېكىن يادرۇ بومبىسى توشۇيالايدىغان قىسقا ۋە ئۇزۇن موساپىلىك باشقۇرۇلىدىغان بومبا ياساپ چىققان پاكىستان، غەرب دۆلەتلىرىنىڭ بۇ ئەيىبلەشلىرىنى رەت قىلىپ، باشقۇرۇلىدىغان بومبىلارنى ئۆزىنىڭ تېخنىك كۈچىگە تايىنىپ ياساپ چىققانلىقىنى بىلدۈرمەكتە. (ئەقىدە)
مۇناسىۋەتلىك ماقالىلار
كۆپ كۆرۈلگەن خەۋەرلەر
RFA
- ئۈرۈمچىدىكى مەشھۇر بىنا—«رابىيە قادىر سودا سارىيى» نىڭ چېقىۋېتىلگەنلىكى دەلىللەندى
- كانادا ھۆكۈمىتىنىڭ ئون مىڭ ئۇيغۇرنى ئورۇنلاشتۇرۇشىنىڭ تۇنجى قەدىمى مۇۋەپپەقىيەتلىك بېسىلدى
- رىشات ئابباس ئامېرىكا دۆلەت مەجلىسىدە ئۇيغۇر تىلى، مەدەنىيىتى ۋە خاتىرىسىنى قوغداشقا تېخىمۇ كۆپ ئىقتىساد ئاجرىتىشقا چاقىردى
- «ئۇيغۇر سەنئەت كۆرگەزمىسى» گە يانداشقان ئۇيغۇر قىرغىنچىلىقى مۇھاكىمە يىغىنى باشلاندى
- نورۋېگىيەدە ئوتتۇرا مەكتەپ ئوقۇغۇچىلىرىغا ئۇيغۇر ئىرقىي قىرغىنچىلىقى تونۇشتۇرۇلغان