Пакистан президенти мушәррәф хитайни зиярәт қилмақчи

Америка бирләшмә агентлиқиниң пәйшәнбә күни елан қилған хәвиридин мәлум болушичә, пакистан президенти пәрвиз мүшәррәф келәр һәптә хитайға қаратқан зияритини башлайдикән.

Хитай ташқи ишлар министирлиқиниң баянатчиси куң чүәнниң билдүрүшичә, феврал ейиниң 19 ‏- күнидин 23 ‏- күнигичә хитайда зиярәттә болидиған, пәрвиз мүшәррәф бейҗиңда хитай дөләт рәиси ху җиңтав билән көрүшкәндин кейин йәнә хитайниң сичүән өлкисиниму зиярәт қилидикән.

Куң чүән сөзидә, "пакистан президенти пәрвиз мүшәрәфниң хитайда елип баридиған зияритиниң әһмийити интайин чоң" дәп билдүргән.

Пакистан билән хитай узун йиллардин бери йеқин һәмкарлиқ мунасивити орнатқан иттипақдаш дөләтләрдин болуп , ислам - абад бейҗиңниң, һәрби қорал икиспорт қилидиған , әң чоң херидарлиридин бири һесаблиниду.

Ғәрб дөләтлири илгири , хитайни пакистанни балистик башқурулидиған бомба билән тәминлигән дәп әйиблигән иди. Лекин ядру бомбиси тошуялайдиған қисқа вә узун мосапилик башқурулидиған бомба ясап чиққан пакистан, ғәрб дөләтлириниң бу әйибләшлирини рәт қилип, башқурулидиған бомбиларни өзиниң техник күчигә тайинип ясап чиққанлиқини билдүрмәктә. (Әқидә)