Pakistan prézidénti musherref xitayni ziyaret qilmaqchi

Amérika birleshme agéntliqining peyshenbe küni élan qilghan xewiridin melum bolushiche, pakistan prézidénti perwiz müsherref kéler hepte xitaygha qaratqan ziyaritini bashlaydiken.

Xitay tashqi ishlar ministirliqining bayanatchisi kung chüenning bildürüshiche, féwral éyining 19 ‏- künidin 23 ‏- künigiche xitayda ziyarette bolidighan, perwiz müsherref béyjingda xitay dölet re'isi xu jingtaw bilen körüshkendin kéyin yene xitayning sichüen ölkisinimu ziyaret qilidiken.

Kung chüen sözide, "pakistan prézidénti perwiz müsherefning xitayda élip baridighan ziyaritining ehmiyiti intayin chong" dep bildürgen.

Pakistan bilen xitay uzun yillardin béri yéqin hemkarliq munasiwiti ornatqan ittipaqdash döletlerdin bolup , islam - abad béyjingning, herbi qoral ikisport qilidighan , eng chong xéridarliridin biri hésablinidu.

Gherb döletliri ilgiri , xitayni pakistanni balistik bashqurulidighan bomba bilen teminligen dep eyibligen idi. Lékin yadru bombisi toshuyalaydighan qisqa we uzun mosapilik bashqurulidighan bomba yasap chiqqan pakistan, gherb döletlirining bu eyibleshlirini ret qilip, bashqurulidighan bombilarni özining téxnik küchige tayinip yasap chiqqanliqini bildürmekte. (Eqide)